Marexada e Clube Deportivo Punta Cabalo Arousa Runners
23:39 |
| Marexada + Punta Cabalo Arousa Runners |
Hai uns días que viñeron a visitarnos dúas persoas moi amigas da Escola Marexada. Pero non viñeron de maneira individual, senón Fer como presidente e Nuria como secretaria, dun clube deportivo de recente creación, fundado no noso pobo. Forman parte do Clube Deportivo Punta Cabalo Arousa Runners, e viñeron a falarnos da importancia da actividade física na infancia, moi relacionada co taller traballado nese momento, o Taller de Intelixencia Emocional.
Acaso hai algunha persoa que se sinta mal despois de practicar unha actividade deportiva? De sobra coñecemos que o deporte alivia tensións, reduce estrés e frustracións, fainos sentir ben, fainos sentir a gusto e polo tanto, fainos sentir felices. Este é o noso fin, favorecer aprendizaxes para que os nen@s de hoxe, sexan persoas adultas e cheas de felicidade mañá.
Nuria e Fer axudánronnos na tarea, cunha exposición moi interesante sobre os beneficios da práctica deportiva. Lograron captar a atención de máis de 60 nen@s e 4 profes que os mirábamos cos ollos ben abertos. Houbo unha ampla participación e deron ideas moi interesantes.
Practicando unha actividade física regular, lograremos:
 |
| Un momento da exposición. |
- Mellorar a nosa resistencia.
- Manter os ósos fortes.
- Mellorar a forza e o crecemento muscular.
- Manter un peso saudáble.
- Mellorar a autoestima, o sono e o estrés.
- Diminuír a posibilidade de padecer enfermidades crónicas na idade adulta.
A actividade física na infancia, tamén nos aporta aprendizaxe en valores, tales como:
- Espíritu deportivo.
- Esforzo.
- Mellora do rendemento escolar.
- Traballo en equipo e consecución de metas.
Falábannos que o deporte é:
- Unha actividade socializadora.
- Favorece o compañeirismo.
- Reduce a agresividade.
Moit@s coñecíamos a pirámide alimenticia, pero non a pirámide da actividade física! Qué fermoso descubrimento!
 |
| Nuria explicándonos a pirámide da actividade física. |
 |
| Nesta ocasión, comentando a pirámide alimenticia. |
Estamos moi agradecidas pola resposta que recibimos cando convidamos a persoas a colaborar coa nosa escola, aportando o que cada un/unha sabe facer e domina. Resulta un traballo colaborativo dun alto impacto, favorecendo a aprendizaxe que desta maneira logra ser moi significativa.
 |
| Un momento da exposición. |
 |
| @s pequen@s brincan xunto a Nuria nunha actividade de cardio. |
Aínda houbo tempo de desfrutar do conto "Os chivos chivóns" que Nuria tan ben representou. Aproveitamos para deixarvos un enlace onde desfrutar da narración do conto "Os chivos chivóns".
 |
| Nuria nun momento da representación do conto. |
O noso agradecemento nesta ocasión para Fer e Nuria, e para o Clube Deportivo Punta Cabalo Arousa Runners que tan ben representan.
Esta entrada, vai adicada a vós. Noraboa polo fomento do deporte no noso pobo, por evitar o sedentarismo, por fomentar a sociabilidade e por axudar a promover a felicidade.
Un pracer!
0 comentarios