Unha nova escola

Dende que deu comezo a segunda quincena do mes de xullo, na Escola Marexada estamos a traballar no Taller de Intelixencia Emocional. 

O obxectivo deste taller é achegarnos ao coñecemento das emocións, falar delas, verbalizalas, describir o que nos fan sentir e porqué, debuxalas e poñerlles cor. 

Debemos ter en conta que a intelixencia emocional agrupa ao conxunto de habilidades psicolóxicas que permiten apreciar e expresar de maneira equilibrada as nosas propias emocións, entender as d@s demais, e utIlizar esta información para guiar a nosa forma de pensar e o noso comportamento.

Existen múltiples teorías que falan da intelixencia emocional. A modo de exemplo, en 1983, o estadounidense Howard Gardner, no seu libro "Inteligencias Múltiples: la teoría en la práctica" introduciu a idea de que os indicadores de intelixencia, como o cociente intelectual, non explican plenamente a capacidade cognitiva, porque non teñen en conta nin a "intelixencia interpersoal" (a capacidade para comprender as intencións, motivacións e desexos de outras persoas) nin a "intelixencia intrapersoal" (a capacidade para comprenderse un/unha mesm@, apreciar os sentimentos, temores e motivacións propi@s). 

A publicación en 1995 do célebre libro de Daniel Goleman "Inteligencia emocional" cobrou unha gran popularidade, ao explicarnos que a intelixencia emocional permítenos:

Poderíamos pensar que simplemente son un par de folios cunhas letras, que levan pegado unha pedra e unha bellota. Pero quedarse nesta primeira lectura, sería algo moi superficial e desconsiderado.    
            
Cando unha nena de 5 anos apareceu, a primeira hora da mañá, con este traballo na súa man ofrecéndonolo, a emoción apoderouse de nós, enchéndoa de bicos e agradecéndollo moito!

É importante ter en conta que este agasallo chega despois de traballar con ela un taller de sensibilización coa Diversidade Funcional. Sabendo isto, o agasallo en cuestión cobra moita máis simboloxía.

Esta nena optou por facer ela soa na casa (confirmado coa súa familia) unha representación persoal da diversidade, con elementos propios do entorno que nos rodea no patio do colexio. Decidíu escribir o texto "Todas as personalidades" exemplificándoo cunha "bellota" e unha "pedra". 

Esta foi a súa maneira de expresar un mundo diverso, onde tod@s temos dereito a formar parte del en igualdade de condicións e libres de toda discriminación. Encantóunos!

Gracias pequena!

En Marexada están pasando cousas boas. Bastaba coa amable visita que nos fixo Idendeaf, colaborando connosco na sensibilización coa diversidade funcional. 

Coa súa presencia, a Lingua de Signos Española foi aínda máis cautivadora. Pero non foi suficiente con isto, que estes días chegou de novo ás nosas mans este pequeno agasallo.

Idendeaf adica unhas fermosas palabras á Escola Marexada agasállandonos con este vídeo Idendeaf e Marexada, dalgúns/dalgunhas de nós signándolles unha canción. 

Qué bonitas se nos fan a tod@s tantos pares de manciñas debuxando palabras no aire!

E como experiencia novedosa, esta semana comezamos a gravación dunha canción en Lingua de Signos Española. Será un traballo de grupo, de coordinación, de agudeza visual e motriz, de cooperación, sensibilizador, e damos por feito, que tamén será moi divertido. Qué gañas! Rompamos xunt@s as barreiras da comunicación!

Pronto darémoslle ao REC e a signar e bailar! 

Nestes días estamos a traballar no Taller de Intelixencia Emocional, adentrándonos no fermoso universo das emocións. Comezamos por achegarnos á emoción da alegría, da ira, da tristeza, do asco ou do medo. E relacionada con esta última, tivemos unha visita moi diferente.

O Papamedos achegouse ata a Escola Marexada en forma de caixa monstruosa. Presentóusenos a tod@s nós dicíndonos que é unha caixa disposta a axudarnos. Pode ter un aspecto algo diferente, pero posúe un enorme poder. Aliméntase dos nosos medos. Encántalle comer os medos das persoas, para que non nos entorpezan e así despedirnos deles.

O día que traballamos a emoción do medo, @s nen@s participaron en debuxar ou escribir algo que lles dese medo. Así o fixeron, e aquí está a mostra de que alimentamos moi ben ao Papamedos. Démoslle todos os nosos medos, para que os leve moi lonxe e non volvan nunca máis.

Do mellor que lle pode ocorrer a unha sociedade, é que non existan barreiras para comunicarse unhas persoas con outras. 

A Lingua de Signos Española é unha lingua equiparable a calquera outra lingua oral, e saber signar resulta unha ferramenta interesantísima para poder comunicarnos con toda esa xente que está afectada por unha discapacidade auditiva. E son arredor dun millón de persoas no noso país! Case nada!

Non nos causa sorpresa que os bebés aprendan a comunicarse a través de xestos ou sinais. Tanto a súa comprensión da linguaxe como as súas habilidades motoras desenvólvense moito máis rápido que a súa capacidade de falar. Ademais, encántalles imitar aos demais.

Un exemplo disto, é que a maioría d@s bebés aprenden a sacudir a man para dicir adeus e apuntan a algo que lles interesa, moito antes de adquirir a linguaxe e poder pronunciar "adeus" e dicir "mira iso!" 

Algúns dos beneficios da aprendizaxe da lingua de signos son, entre outros, reducir a frustración, fomentar vínculos e favorecer o desenvolvemento da fala.

Unha vez que a linguaxe oral está adquirida, esta lingua non fai máis que ofrecernos posibilidades, rompendo barreiras de comunicación, mellorando a nosa xestualidade, a coordinación óculo-manual, a expresión, a socialización e convertíndonos en axentes de cambio, promovendo a inclusión das persoas con diversidade funcional. 

No día que a Escola Marexada superou as súas dúas primeiras semanas de andaina educativa, viñeron a visitarnos tres persoas moi especiais; Paula, Miguel e Veru. Os tres forman parte dun equipo de traballo da webserie galega "Mírame cuando te hablo". Ten como principais características que os actores e actrices son persoas sordas, está rodada en Lingua de Signos Española con subtítulos e é un producto audiovisual de orixe 100% galego. Un luxazo recibilos e darlles a nosa noraboa polo seu traballo.

Miguel e Veru expuxéronnos as principais barreiras comunicativas coas que se atopan as persoas afectadas por unha discapacidade auditiva. Faláronnos da Lingua de Signos, contaron o seu traballo na webserie e puidemos ver un corto titulado "Bla Bla Bla" sobre as barreiras de comunicación coas que se atopan as persoas con xordeira e xordocegueira. 
Pinchando sobre este enlace poderedes desfrutalo como o fixemos nós: Curtametraxe sobre persoas con sordeira e sordocegueira "Bla Bla Bla"

Xunto a eles non paraban de achegarse nen@s para deletrarlle o neu nome segundo o Alfabeto Dactilolóxico e facerlle preguntas que Miguel contestaba en Lingua de Signos, mentres Veru intrepretaba os signos á mensaxe oral.

Para que marcharan cun sorriso, estes días @s alumn@s de Marexada foron quenes de aprender varias cancións en Lingua de Signos, que representamos tod@s xunt@s. Non saberíamos dicir canto tivo de fermoso e canto de emocionante. Do que estamos segur@s é de que foi realmente xenial!

Cando un traballo enriquece, unha persoa érguese animada. Pero cando nesa mañá está prevista unha colaboración interesante, a xornada non pode ser máis enriquecedora. Así foi coa primeira visita de Marexada. Escola socio-educativa. 

Esa mañá cedo, dende A Coruña ata a Illa desplazáronse Isabel, Francisco e Víctor. Persoas que traballan en ASPAYM Galicia, asociación de persoas afectadas por unha lesión medular. 

A súa visita estaba anunciada e traballada, tratando os días anteriores temas relacionados coa discapacidade motora. Dende a escola intentamos darlle a mellor acollida posible.

@s nen@s tiveron a oportunidade de escoitar a Isabel, que expuxo cuestións relacionadas coa prevención da lesión medular, captando toda a atención d@s pequen@s pola súa maneira de dirixirse a eles/elas e facel@s colaborar.

Tamén tivemos a oportunidade de probar experiencias nunha cadeira de rodas, facer botar un balón dende a cadeira, cambiarse dunha cadeira de rodas a unha cadeira convencional, ir ao aseo na cadeira, baixar ou subir un escalón, subir unha rampa, carreiras ou paseos. Houbo moita interacción, unha moi elevada participación e amplos sorrisos. Ata coñecen os termos específicos, sabendo que as barreiras arquitectónicas son as nosas principais inimigas. 

Por todo isto, a sensibilización coa discapacidade motora, está máis que garantizada.

Os nosos parabéns a Aspaym por este traballo de achegar a diversidade ás escolas e o noso agradecemento infinito por traer ese bo humor ata Marexada.

Son desos recordos, que quedan marcados na memoria, imposibles de olvidar.

A semana que está a piques de rematar, foi unha semana moi intensa. Chea de contidos, de emocións, e de novos coñecementos e experiencias. Durante dous días, introducímonos no tema da diversidade con dinámicas e materiais sobre o mundo que nos rodea. 

A diversidade está ao noso arredor: nas árbores, nas flores, nas froitas, nos animais, nos países... Non hai dúas persoas iguais, nin sequera os irmás/irmáns xemelg@s son exactamente iguais!! Cada familia é un pequeno mundo e nelas existe unha gran diversidade! Vivimos en casas diferentes, temos mascotas distintas e desfrutamos facendo cousas dispares. Na comida, no deporte, nas actividades de ocio, nos estudos ou no traballo... tod@s nos diferenciamos! 

Pero as persoas, tamén temos moitas cousas en común, Déchedesvos conta? Todas as persoas queremos ter ao noso arredor xente que nos queira! Tod@s temos soños e ilusións!

E coas diferencias como introducción, demos paso ó tema da diversidade funcional. 

Xunt@s aprendemos e traballamos a sensibilización na discapacidade motora. Botando man de materiais audiovisuais, puidemos falar das persoas con este tipo de discapacidade, das barreiras arquitéctónicas (a gran enemiga das persoas con mobilidade reducida), ou as axudas técnicas, focalizando en todas as actividades que estas persoas poden facer, aparte de sorrir e ser felices, aínda tendo limitado parcial ou totalmente o uso das súas extremidades. Explicámoslles que son persoas que buscan a felicidade, igual ca tod@s nós, que precisan que se lles queira e que teñen todo o dereito a ser respectad@s, incluíd@s e tidos en conta na sociedade, exactamente igual aos demais. 

Para todo isto, contamos coa colaboración da Asociación ASPAYM Galicia, que moi amablemente viñeron a visitarnos e a compartir connosco unha mañá na escola. Para recibilos e acollelos como se merecían, previamente colaboramos o equipo docente e tod@s os nen@s nun mural decorativo e temático que tivo moito éxito, quedando tod@s moi satisfeitos co resultado.

Encantounos escoitar iso de "DEBUXO LIBRE". 

En calquera momento da mañá un neno ou unha nena pide unha folla en branco e unhas cores, que, mesturadas coa súa imaxinación, fannos pasar momentos realmente fermosos. 

Cunha desas situacións, sorprendéronnos hoxe. Unha nena entregounos o mellor retrato da plantilla de mestr@s. Foi o primeiro debuxo de Thais, Espe, Laura e Miguel. 

Fíxonos moita ilusión! Gracias pequena!

Para comprobar o desfrute coa actividade, non había máis que verlle as cariñas!

Que utilizamos a pintura de dedos, aquí está unha mostra. A finalidade non era outra máis que decorar unha maceta para ver medrar e ser partícipes do crecemento dunha leituga! Oitenta pés de leituguiñas pequerrechas foron a parar á Escola de Verán.

A primeira das actividades de exterior da Escola Marexada tivo unha gran acollida, participación e interese. Hoxe tocou plantar con coidadiño cada unha das leitugas, darlle de beber e poñerlle un nome. Agora a responsabilidade de tod@s será tratalas moi ben, ir a saudalas cada mañá, ofrecerlle auga e agardar a que poidan medrar e medrar gracias aos nosos coidados.

Houbo tempo tamén para adentrarnos de cheo na materia da programación. Esta primeira quincena xirará en torno á sensibilizacion na DIVERSIDADE FUNCIONAL, para a cal, comezamos falando e aprendendo da diversidade que nos rodea. Tod@s somos únic@s e irrepetibles e que mundo diverso e interensante conformamos! Qué aburrido sería o contrario! O respecto debe ser a nosa prioridade.

A mestura de actividades dinámicas e materiais audiovisuais fixo que a mañá pasara voando. Traballamos ben comentando algúns dos vídeos sobre a diversidade e resulta moi interesante escoitar as súas respostas, como por exemplo ao seguinte conto "Por cuatro esquinitas de nada".

Nos minutos finais, tivemos tempo de coñecer a unha nova mestra virtual, que nos acompañará con cancións en Lingua de Signos Española. Os/as nenos/as máis maiores, están a piques de aprendela toda!

Comezamos cunha asamblea, falando de emocións e dalgunha situación na que somos felices. Sorprendente foi escoitar como en moitas descripcións de momentos fermosos aparecían un/unhas fieis amig@s, as nosas mascotas! A primeira hora da mañá, os nos@s gat@s e os nos@s cans e cadelas estiveron moi presentes. Qué cariñas de tenrura!

Houbo tempo de desfrutar con actividades musicais e dinámicas de coñecemento. Somos moit@s, decidimos compartir as nosas mañás e o ambiente entre tod@s non fai máis que mellorar. Para iso, houbo pompas, moooooitas pompas. Soplamos e soplamos para mandalas moi lonxe, porque á boa enerxía non a frean as paredes.

Recibimos a nais e pais na aula máis accesible do CEIP Torre-Illa, a tradicionalmente destinada á ludoteca. Con calma, puxemos os nomes de cada nena/o nun colar ordeadamente e presentámonos tod@s, dicindo o noso nome, e algún detalle persoal e curioso (con qué desfrutamos, a qué nos gusta xogar ou cal é a nosa comida favorita) dándonos así a benvida. Nese intre aproveitamos para ensinar algún vocabulario da Lingua de Signos Española (LSE) como "cereixa" e "fresa" posto que foron nomeadas como comida preferida (mmmmm froitaaaa!)

A mañá pasou entre actividade e actividade. Moit@s adoran pintar! Quen sabe se teremos connosco un/unha artista! Qué emoción! Estes días estamos mostrando o funcionamento da aula e os seus recunchos, coma a zona de orientación espacio-temporal onde se mostra en que día estamos e a climatoloxía do momento, amosándoo tamén en outras linguas tales como a LSE (Lingua de Signos Española).

Tamén tratamos de consensuar normas de comportamento (coma por exemplo escoitar mentres alguén fala) todo de forma comunitaria.

Preto das 11.30 había algo de fame e calmámola merendando xunt@s. Resultou moi positivo sentir como non había impedimento para compartir alimentos, aínda que non foi necesario porque cada pequen@ traía da casa cadansúa peza de froita ou iogurt. No recreo facilitáronse xoguetes para que compartiran e material para debuxar e pintar. En todo momento estiveron moi receptivos cos xoguetes proporcionados por parte do Concello da Illa de Arousa.

Para rematar o día preparamos gran parte dos números para a localización espacio-temporal e desfrutamos cun xogo coas cadeiras. Para finalizar, comezamos a introducir a sesión de relaxación mentres esperábamos a chegada sempre afectuosa de pais e nais.

Cántos sorrisos contaxiosos!